गणेश घिमिरे  
मंसिर ११, इलाम 
    इलाममा आउँदो मंसिर २२ देखि २९ गतेसम्म हुन लागेको दोस्रो संस्करणको इलाम गोल्डकपको खेल तालिका सावजनिक गरीएको छ । आयोजक रेडहर्ष फूटबल क्लबले पत्रकार सम्मेलन गरेर खेल तालिका सार्वजनिक गरेको हो । सार्वजनिक खेल तालिका अनुसार उद्घाटन खेलमा आयोजक रेडहर्ष फूटबल क्लब इलाम र संकटा फूटबल क्लब काठमाडौंबीच प्रतिष्पर्धा हुने भएको छ । २३ गते एनआरिट काठमाडौं र जिटिए ११ दार्जिलिङ्ग भारतबीच प्रतिष्पर्धा हुँदा २४ गते बिभागिय टिम त्रिभुवन आर्मी र चर्च ब्वाइज क्लब काठमाडौं बीच प्रतिष्पर्धा हुने भएको छ । यस्तै २५ गते रेड स्टार फूटबल क्लब झापा र मच्छिन्द्र फूटबल क्लब काठमाडौंबीच प्रतिष्पर्धा हुनेछ ।             

आठवटा टिमले प्रतिष्पर्धा गर्ने गोल्डकपको बिजेताले १० लाख र उपबिजेताले ५ लाख रुपैंयाँ सहित ट्रफि, मेडल र प्रमाणपत्र प्राप्त गर्नेछ । हाल प्रतियोगिताको तयारी अन्तिम चरणमा पुगेको आयोजकले जनाएको छ ।  करिब एक करोड रुपैंयाँ खर्च लाग्ने गोल्डकपका लागि हाल दर्शक बस्ने करिब ९ हजार क्षमताको बाँसको अस्थायि प्याराफिट निर्माणको काम अन्तिम चरणमा पुगेको छ । 
                                    माघ ५ गतेबाट अन्तराष्ट्रिय महिला गोल्डकप 
    फूटबललाई संस्कृति मान्ने इलामेले एक महिनाको अन्तरमा दुईवटा गोल्डकप आँखै अगाडीबाट नियाल्ने भएका छन् । आउँदो मंसिर २२ देखि २९ गतेसम्म इलाम गोल्डकप हुन गइरहेको छ भने एक महिनाको अन्तरमा माघ ५ देखि १२ गतेसम्म दोस्रो संस्करणको अन्तराष्ट्रिय महिला गोल्डकप इलाम सदरमुकामै ठूलो टुडिखेलमा हुने आयोजकले पत्रकार सम्मेलन गरेर जानकारी दिएको छ । नेपालको महिला फूटबल प्रतियोगितामा हालसम्म भएका महिला गोल्डकप मध्ये इलाममा हुन लागेको यो महिला गोल्डकप प्रतियोगिता र पुरस्कार दुबै हिसावले सबैभन्दा ठूलो प्रतियोगिता रहेको आयोजक क्लब ओएसिस इलामले जनाएको छ ।                                             

यस गोल्डकपको बिजेताले नगद चारलाख र उपविजेताले २ लाख रुपैंयाँ पाउनेछन् । गोल्डकपमा भारतका दुई महिला फूटबल क्लब सहित नेपालका एपिएफ, नेपाल पुलिस, त्रिभुवन आर्मि क्लब जस्ता चर्चित आठवटा क्लबहरुको सहभागिता रहनेछ । 
 

इलाम गोल्डकपमा सहभागि जनाउने खेलाडीको रेडहर्षले गरयो दुर्घटना बीमा 

गणेश घिमिरे मंंसिर १८, इलाम  इलाम सदरमुकामको ठूलो टुडिखेलमा आउँदो मंसिर २२ देखि २९ गतेसम्म सञ्चालन हुने दोस्रो संस्करणको इलाम गोल्डकपमा खेलाडीको

चेस खेलमा होटल ब्यबसायि संघको चासो, शुक्रबार जिल्ला स्तरीय प्रतियोगिता 

गणेश घिमिरे मंसिर ६, इलाम  इलाममा चेस (बुद्धिचाल) खेलको बिकास संगै यस खेलप्रति खेलाडीको आकर्षण बढाउन होटल ब्यबसायि संघ इलामले पनि चासो देखाएको छ ।

सुस्ताएको इलामको पर्यटन क्षेत्रलाई इलाम गोल्डकपले चलायमान बनाउँदै

गणेश घिमिरे मंसिर ५, इलाम      फुटबल खेल खेलाडीले आफनो कला प्रदर्शन गर्ने एउटा मञ्च हो । त्यही भएर होला, फुटबल विश्वका धेरै मानिसलाई मन पर्ने खेल